«Таза Қазақстан»

Республикалық «Таза Қазақстан» экологиялық акциясы елімізде 8 сәуірден бастау алды. Акцияның мақсаты – халықтың назарын табиғаттың ластану проблемасына аудару, тазалықты сақтау және экологиялық мәдениетті қалыптастыру. Осы акция бүгінде(19.04.2024ж) №1 Талдықорған қалалық емханасы аумағында өткізілді.
Емхана қызметкерлері, өздеріне қарасты аймақты қураған ағаштардан, жапырақтан тазарту және жас ағаштар мен гүлдерді егуге белсене кірісті. Емхананың аумағын тазалап, шөптерін орып, ағаштарды әктеді. Сонымен бірге, абаттандыру жұмыстарын жүргізді.
Жалпы, тазалық жұмыстарына 150-ден астам адам қатысты.
Баршаңызды «Таза Қазақстан» акциясына ат салысуға шақырамыз!